Türkiyә vә Rusiya prezidentlәri arasında telefon danışığı olub
Türkiyә prezidenti Rәcәb Tayyib Әrdoğan vә Rusiya prezidenti Vladimir Putin arasında telefon danışığı olub.
Türkiyә prezidenti Rәcәb Tayyib Әrdoğan vә Rusiya prezidenti Vladimir Putin arasında telefon danışığı olub.
Kremldәn verilәn mәlumata görә, liderlәr Türkiyәdә baş verәn meşә yanğınlarını müzakirә ediblәr.
“Telefon danışığı zamanı bu təbii fəlakətlə mübarizədə iki ölkə arasında əməkdaşlığın vacibliyi vurğulanıb. Vladimir Putin yanğınların söndürülməsi üçün Türkiyəyə hərtərəfli yardım göstərməkdə davam edəcəyini bildirib”, - deyә Kremlin mətbuat xidmətinin məlumatında deyilir.
Söhbәt zamanı ikitәrәfli münasibәtlәr dә müzakirә olunub, hәmçinin iyulun 30-da Moskvada keçirilәn Türkiyә-Rusiya Hökumәtlәrarası İqtisadi Komissiyanın iclasının müsbәt keçdiyi vurğulanıb.
Tәrәflәr hәmçinin ticarәt, iqtisadiyyat, energetika vә digәr sahәlәrdә әldә olunan müqavilәlәrin hәyata keçirilmәsi üçün fәaliyyәtlәrin davam etdirilmәsi ilә bağlı görüşlәrin müxtәlif sәviyyәlәrdә aparılması mәsәlәsindә razılıq әldә ediblәr.
