Süleyman Soylu: “26 terror aktının qarşısını aldıq”
2021-ci ilin ilk ayından bu günə dək terror təşkilatlarının həyata keçirməyi planlaşdırdıqları 26 terror aktının qarşısını aldıq. Bunu Daxili İşlər Naziri Süleyman Soylu deyib.
1603779
Süleyman Soylu 18 Mart Şəhidləri Anma Günü və Çanaqqala Zəfərinin 106-cı ildönümü münasibətilə paytaxt Ankarada təşkil edilən tədbirdə çıxış edib.
Daxili işlər naziri Soylu çıxışında: “40 ildir mübarizə etdiyimiz terror təşkilatı PKK-nın tarixinin ən çox dəstək aldığı dövrü yaşamasına baxmayaraq endirdiyimiz zərbələr nəticəsində ölkə daxilindəki üzv sayı 300-ə qədər azalıb”.
Təslim olan terrorçu sayının təşkilata qatılanların sayından 5 dəfə çox olduğunu ifadə edən Nazir Soylu, 2021-ci ilin ilk ayından bəri davam edən əməliyyatlar nəticəsində PKK üzvü 121 terrorçunun zərərsizləşdirildiyini, planlaşdırılan 26 terror aktının qarşısının alındığını sözlərinə əlavə edib.