Türkiyə Kipr Türk Respublikasına peyvənd göndərib
Türkiyə, koronavirusa (Kovid-19) qarşı mübarizə çərçivəsində Şimali Kipr Türk Respublikasına (ŞKTR) 20 min doza Sinovac peyvəndi göndərib.
Şimali Kipr Türk Respublikası Səhiyyə naziri Əli Pilli mövzu ilə əlaqəli açıqlamasında: “Bu gün səhər saat 05.00-də Türkiyə Respublikasından təcili yardım təyyarəsi ölkəmizə 20 min doza Sinovac peyvəndi gətirib”.
Peyvəndlərin vurulmasına sabah başlanacağını və şənbə gününə dək davam edəcəyini ifadə edən Pilli bununla bağlı hazırlıqların tamamlandığını, peyvəndin önçə səhiyyə işçilərinə, daha sonra 65 yaşdan yuxarı insanlara vurulacağını qeyd edib. Planlarının qısa müddət ərzində bütün əhalinin peyvənd vurulması olduğunu ifadə edən nazir bunun öhdəsindən asanlıqla gələbiləcəklərinə inandığını vurğulayıb. Nazir prezident Rəcəb Tayyib Ərdoğan başda olmaqla Türkiyənin Səhiyyə naziri Fahrettin Kocaya güçlü dəstəyinə görə minnətdarlığını bildirib və Türkiyənin hər sahədə olduğu kimi Kovid-19 əlayhinə mübarizədə də ölkəsinə lazımlı dəstəyi verdiyini sözlərinə əlavə edib.