Prezident Rəcəb Tayyib Ərdoğan Avstraliyanın Baş naziri Skott Morrison ilə telefonla danışıb

Prezident Rəcəb Tayyib Ərdoğan Avstraliyanın Baş naziri Skott Morrison ilə telefonla danışıb.
Prezident Aparatının Mətbuat Xidmətinin məlutamına görə, Avstraliya Baş naziri Morrisonun tələbi ilə baş tutan telefon danışığında Türkiyə-Avstraliya əlaqələrini inkişaf etdirmək istiqamətində atılacaq addımlar ilə beynəlxalq platformalarda əməkdaşlıq mövzuları müzakirə edilib. Prezident Ərdoğan telefon söhbətində Avstraliyanı Asiya-Sakit okean bölgəsində əhəmiyyətli bir tərəfdaş və qlobal məsələlərdə oxşar perspektivə sahib dost bir ölkə olaraq gördüklərini ifadə edib.