YTB Avstraliyadakı türk tələbələrə yardım edib
YTB Avstraliyada yeni növ koronavirus (Covid-19) ilə mübarizə çərçivəsində tətbiq edilən məhdudiyyətlərə görə işini itirən türk tələbələrə maddi dəstək təmin edib.
Xaricdə Yaşayan Türklər və Əqrəba İcmaları (YTB) İdarəsi Avstraliyada yeni növ koronavirus (Covid-19) ilə mübarizə çərçivəsində tətbiq edilən məhdudiyyətlərə görə işini itirən türk tələbələrə maddi dəstək təmin edib.
YTB Moreland Türk Dərnəyinin Avstraliyada işləyərək təhsilini davam etdirən, lakin "Covid-19" tədbirləri səbəbiylə işsiz qalan türk tələbələrə kömək üçün hazırlanan "Diaspor Covid-19 Dəstək və Əməkdaşlıq Proqramı" na edilən müraciətini qəbul edib.
YTB bu çərçivədə dərnək vasitəsilə Melburndakı 100 tələbəyə 100 dollar məbləğindəki alış-veriş kuponu və kirayə yardımı edib.
Digər tərəfdən, YTB Ramazan ayı üçün Almaniyada Türk vətəndaşlarının təşkil etdiyi "Xeyriyyə kabineti" yardım layihəsinə ərzaq dəstəyi verib.
YTB-nin yazılı açıqlamasına görə, "Diaspor Covid-19 Dəstək və Əməkdaşlıq Proqramı" çərçivəsində Baden-Vürttemberg əyalətindəki Kirchheim unter Teck şəhərindəki "Xeyriyyə kabineti" layihəsinə 3 ton ərzaq yardımı verilib.
Din İşləri Türk İslam Birliyi (DİTİB) Sultan Əhməd Məscid Dərnəyinin təşkil etdiyi yardım layihəsinə yağ, un və makaron kimi əsas ərzaq məhsulları verilib.