Türkiyә özünü dövlәt başçısı elan edәn Xәlifә Hafterә reaksiya göstәrib

Türkiyә Liviyanın şәrqindәki qeyri-qanuni qüvvәlәrin lideri Xәlifә Hafterin özünü dövlәt başçısı elan etmәsinә reaksiya göstәrәrәk beynәlxalq ictimaiyyәtin bununla bağlı lazımi addımı atmasının vacibliyini vurğulayıb.

Xarici İşlәr Nazirliyindәn verilәn bәyanatda bu ifadәlәrә yer verilib: ‘‘Hafter bu açıqlama ilә Liviyadakı böhranın dialoq yolu ilә hәll olunmasını istәmәdiyini, Berlin Konfransının nәticәlәri daxil olmaqla bu istiqamәtdәki beynәlxalq sәylәri dәstәklәmәdiyini bir daha qeyd edib’’.

Bәyanatda bildirilib ki, Hafter  bir ildәn çoxdur davam etdirdiyi hücumlarla Liviyadakı humanitar vәziyyәti daha da dәrinlәşdirib vә  epidemiya dövründә bölgәyә tibbi lәvazimatın çatdırılmasına mane olub. Bәyanatda  hәmçinin beynәlxalq ictimaiyyәtin bununla bağlı addım atmasının vacibliyi vurğulanıb.

Qeyd edәk ki, Hafter dünәn axşam verdiyi açıqlamada  Birlәşmiş Millәtlәr Tәşkilatının himayәsindә imzalanan ‘‘Suheyrat’’ müqavilәsinin lәğv olunduğunu vә özünün ölkә başçısı olduğunu iddia etmişdi.