Rǝcǝb Tayyib Әrdoğan qaçqın mǝsǝlǝsi ilǝ bağlı Avropa ölkǝlǝrinǝ reaksiya göstǝrib
Türkiyǝ prezidenti Rǝcǝb Tayyib Әrdoğan qaçqınlar mǝsǝlǝsindǝ Türkiyǝyǝ dǝstǝk vermǝyǝn Avropa ölkǝlǝrinǝ reaksiya göstǝrib.
Türkiyǝ prezidenti Rǝcǝb Tayyib Әrdoğan qaçqınlar mǝsǝlǝsindǝ Türkiyǝyǝ dǝstǝk vermǝyǝn Avropa ölkǝlǝrinǝ reaksiya göstǝrib.
Prezident Rǝcǝb Tayyib Әrdoğan Esenbuğa hava limanında Türkiyǝ Palatalar vǝ Birjalar Birliyinin sǝdrliyi ilǝ keçirilǝn iclasda qeyri-hökumǝt tǝşkilatlarının tǝmsilçilǝri ilǝ bir araya gǝlib.
İclasda çıxış edǝn Türkiyǝ prezidenti deyib: ‘‘Türkiyǝnin ǝn böyük gücü birliyidir, hǝmrǝyliyidir, qardaşlığıdır vǝ bǝrabǝrliyidir’’.
Rǝcǝb Tayyib Әrdoğan Türkiyǝni terror tǝşkilatları ilǝ mühasirǝ etmǝyǝ vǝ hǝdǝlǝmǝyǝ çalışanlara imkan vermǝyǝcǝklǝrini ifadǝ edib.
Qaçqınlar mǝsǝlǝsini dǝ qiymǝtlǝndirǝn dövlǝt başçısı Avropa ölkǝlǝrinǝ reaksiya göstǝrǝrǝk deyib: ‘‘Sǝrhǝdlǝr açılan kimi telefonla zǝng edǝrǝk ‘‘sǝrhǝdlǝri bağlayın’’ deyǝ xahiş edirlǝr. Artıq bu mǝsǝlǝ ilǝ bağlı üzǝrinizǝ düşǝn öhdǝliyi yerinǝ yetirmǝlisiniz dedik’’.
Martın 5-dǝ Moskvaya sǝfǝr edǝcǝyini vǝ Rusiya prezidenti Vladimir Putinlǝ görüşǝcǝyini deyǝn Әrdoğan bildirib ki, Suriyadakı proseslǝri qiymǝtlǝndirǝcǝyik. Ümidvaram ki, atǝşkǝsi vǝ ya digǝr addımları atarıq vǝ sürǝtli nǝticǝni ǝldǝ edǝrik’’.
Bǝşǝr Әsǝd rejiminin hücumlarına lazımi cavabın verildiyini ifadǝ edǝn Rǝcǝb Tayyib Әrdoğan deyib: ‘‘Bǝşǝr Әsǝd rejiminin çox sayda üzvünü zǝrǝrsizlǝşdirdik. Rejim qüvvǝlǝrinin çox sayda hǝrbi texnikasını mǝhv edǝrǝk onlara ağır zǝrbǝlǝr endirdik. Ümidvarıq ki, bu mübarizǝ zǝfǝrlǝ nǝticǝlǝnǝr vǝ daha çox qanın axmasının qarşısını alar. Bunun üçün sahǝdǝ apardığımız mübarizǝ ilǝ yanaşı diplomatik yolları da istifadǝ edirik’’.
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.