Liviyaya əsgər göndərilməsilə bağlı təklif TBMM-də müzakirə olunacaq

Liviyaya əsgər göndərilməsilə bağlı Prezident Aparatının təklifi Türkiyə Böyük Millət Məclisində (TBMM) bu gün müzakirə olunacaq. 

  Təklifdə Liviyaya əsgər göndərilməsinə niyə ehtiyac duyulduğu izah edilir, bu ölkədəki qarşıdurma və terror mühiti diqqətə çatdırılır, "Qarşıdurmalar vətəndaş müharibəsinə çevrilərsə, Türkiyənin bölgədəki mənfəətlərinə zərər toxunacaq" xəbərdarlığı olunur.

  Təklifdə Türkiyə əsgərinin Liviyadakı vəzifələrinin dövlət başçısı tərəfindən təyin olunacağı bildirilir və Türkiyə Silahlı Qüvvələrinin 1 il müddətinə Liviyaya göndərilməsi üçün Məclisdən icazə istənilir.