Hulusi Akar Patrik Şanahanla görüşüb
Amerika Birlәşmiş Ştatlarında sәfәrdә olan Türkiyәnin Milli Müdafiә naziri Hulusi Akar ABŞ müdafiә nazirinin vәzifәsini icra edәn Patrik M. Şanahanla görüşüb.
Amerika Birlәşmiş Ştatlarında sәfәrdә olan Türkiyәnin Milli Müdafiә naziri Hulusi Akar ABŞ müdafiә nazirinin vәzifәsini icra edәn Patrik M. Şanahanla görüşüb.
Milli Müdafiә Nazirliyindәn verilәn mәlumata әsasәn, Pentaqonda baş tutan görüşdә Suriyadakı son vәziyyәt, ikitәrәfli münasibәtlәr, regional mәsәlәlәr vә müdafiә sәnayesindәki әmәkdaşlıq mövzuları müzakirә olunub.
Mәlumata görә, nazir Hulusi Akar görüşdә Suriyada yaradılacaq deeskalasiya zonası, S-400, F-35 qırıcıları vә Şәrqi Araliq dәnizindәki proseslәrlә bağlı fikirlәrini vә tәlәblәrini dilә gәtirib.
Görüşdә Türkiyә ilә ABŞ arasındakı strateji tәrәfdaşlıq çәrçivәsindәki әmәkdaşlığın hәr iki ölkәnin, bölgәnin vә bütün dünyanın sabitliyi vә tәhlükәsizliyi baxımından әhәmiyyәtli olduğu vurğulanıb.
Qeyd edәk ki, Pentaqonun mәtbuat katibi Çarls E. Sammers görüşdәn sonra verdiyi açıqlamada bildirib ki, nazirlәr strateji tәrәfdaşlıq çәrçivәsindә görüşdülәr. Görüşdә Türkiyә ilә ABŞ arasındakı әmәkdaşlığın әhәmiyyәtinә diqqәt yetirilib.
