Türkiyənin ilk yerli döyüş təyyarəsi

  Türkiyə prezidenti köməkçisi Fuad Oqtay Türkiyə Havaçılıq və Kosmos Sənayesi AŞ (TUSAŞ) şirkəti tərəfindən ölkənin ilk yerli döyüş təyyarəsinin 2023-cü ildən istehsal ediləcəyini bildirdi.

  Ankarada TUSAŞ-ın təşkilatçılığı ilə "Birlikdə dəyişirik, inkişaf edirik, yüksəlirik" tədbirində iştirak və çıxış edən F.Oqtay mövzu ilə bağlı deyib:

  "2026-cı ildə təyyarəmizi göylərdə görmək mümkün olacaq, 2031-ci ildən isə təyyarə inventarına daxil ediləcək.

  Beləliklə, Türkiyə Amerika Birləşmiş Ştatları, Rusiya və Çindən sonra 5-ci nəsil döyüş təyyarəsi istehsal edən ölkələr arasında yerini alacaq.”