Malta prezidenti TBMM-nin sədri Yıldırım ilə görüşdü
Türkiyədə səfərdə olan Malta prezidenti Marie-Louise Coleiro Preca Türkiyə Böyük Millət Məclisinin (TBMM) sədri Binali Yıldırım ilə bir araya gəldi.
1132533
Binali Yıldırımın məclisdəki ofisində baş tutan və təxminən bir saat davam edən görüşdən sonra iki lider 15 İyul 2016-da Fethullah Terror Təşkilatının çevrilişə cəhdi zamanı parlamentin bombalanan hissəsini gəzdi. Qonaq prezidentə yaşanan hadisələr haqqında məlumat verildi.
Binali Yıldırım Malta prezidenti Preceanı yola saldıqdan sonra Norveç Xarici və Müdafiə Komissiyasının sədri Anniken Huitfeldt və onu müşayiət edən nümayəndə heyətini qəbul edib. Görüş mətbuata qapalı olub.
