Türkiyə nümayəndə heyəti Rusiyada görüşlәr keçirir
Türkiyәnin Xarici İşlər naziri Mövlud Çavuşoğlu vә Milli Müdafiә naziri Hulusi Akarın Rusiyanın Xarici İşlər naziri Sergey Lavrov vә Müdafiə naziri Sergey Şoyqu ilә Suriyadakı prosesləri qiymәtlәndirәcәyi iclas başlayıb.
Türkiyәnin Xarici İşlər naziri Mövlud Çavuşoğlu vә Milli Müdafiә naziri Hulusi Akarın Rusiyanın Xarici İşlər naziri Sergey Lavrov vә Müdafiə naziri Sergey Şoyqu ilә Suriyadakı prosesləri qiymәtlәndirәcәyi iclas başlayıb.
Türkiyәnin Xarici İşlər naziri Mövlud Çavuşoğlu, Milli Müdafiә naziri Hulusi Akar, Milli Kəşfiyyat Təşkilatının rəhbəri Hakan Fidan və Prezident Aparatının sözçüsü İbrahim Kalın rusiyalı həmkarları ilә Rusiya Müdafiə Nazirliyində bir araya gəliblər.
İclasdan әvvәl açıqlama verәn Mövlud Çavuşoğlu Türkiyə, Rusiya və İranın Astana prosesi çәrçivәsindә Suriya məsələsində sıx əməkdaşlıq etdiklərini qeyd edərək: ‘‘Bu sayәdә bir çox mәsәlәdә ciddi irәlilәyişlәr әldә olunub’’ deyib.
Suriyadakı son prosesləri qiymətləndirmək üçün Rusiyaya sәfәr etdiklәrini deyәn Mövlud Çavuşoğlu: ‘‘Rusiyalı tәrәfdaşlarımızla Suriya mәsәlәsindә nәlәr edә bilәcәklәrimizi müzakirә edәcәyik’’ deyә söylәyib.
Rusiyanın Müdafiә naziri Segey Şoyqu isә öz növbәsindә bildirib ki, İdlib mәsәlәsi ilә yanaşı İstanbulda әldә etdiyimiz müqavilәnin hәyata keçirilmәsini qiymәtlәndirәcәyik, hәmçinin ABŞ qoşunlarının Suriyadan çıxması vә Fәrat çayının şәrqindәki son vәziyyәti müzakirә edәcәyik.
İclasda Rusiyanı Sergey Şoyqu ilә yanaşı Xarici İşlәr naziri Sergey Lavrov, Rusiya Silahlı Qüvvәlәrinin Baş Qәrargah rәisi, ordu generalı Valeri Gerasimov vә Rusiya prezidenti Vladimir Putinin Suriya mәsәlәlәri üzrә xüsusi nümayәndәsi Aleksandr Lavrentyev tәmsil etdilәr.
Mәlumata görә iclas bir saat yarım davam edib.
Mövlud Çavuşoğlu toplantıdan sonra açıqlama verib. Çavuşoğlu Suriya vә regional mәsәlәlәrdә Rusiya vә İranla әmәkdaşlıq etmәyә davam edәcәklәrini deyib.
Rusiya Xarici İşlər naziri Sergey Lavrov da öz növbәsindә bildirib ki, Suriyanı terrorçulardan koordinasiyalı şәkildә tәmizlәmәk mәsәlәsindә razılıq әldә etdik.
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.