Hulusi Akar Pakistanda görüşlәr keçirdi

Türkiyәnin Milli Müdafiə naziri Hulusi Akar Pakistana etdiyi rәsmi sәfәr çәrçivәsindә bu ölkәnin Müdafiә İstehsalı naziri Zübәycә Calal vә hәrbi rәsmilәr ilә  görüşüb.

Qәtәrdәki görüşlәrini sona çatdıran  Hulusi Akar Pakistanın paytaxtı İslamabada sәfәr edib.

Nazir Hulusi Akar sәfәr çәrçivәsindә ilk olaraq Pakistan Quru Qoşunlar  Komandanlığına baş çәkib. Keçirilәn hәrbi mәrasimdәn sonra iki ölkәnin himnlәri sәslәndirilib. Hulusi Akar daha sonra Pakistan Quru Qüvvәlәrinin komandanı, ordu generalı Kamar Cavid Bajva ilә görüşüb.  

Türkiyәnin Milli Müdafiә naziri daha sonra Pakistan Müdafiә İstehsalı naziri Zübeydә Calal ilә görüşüb. Görüşdәn sonra Pakistan Silahlı Qüvvәlәrinin Baş Qәrargahına gedәn Hulusi Akar rәsmi hәrbi mәrasimlә qarşılanıb.  

Mәrasimdәn sonra Hulusi Akar Pakistan Silahlı Qüvvәlәrinin Baş Qәrargahının rәisi, ordu generalı Zübeyr Mahmud Hayatla bir araya gәlib.

Akara sәfәri çәrçivәsindә Türkiyәnin İslamabaddakı sәfiri İhsan Mustafa Yurdakul da müşayiәt edib.