ABŞ Türkiyəyə qarşı açıqlamasının tonunu yumşaltdı

  Amerika Birləşmiş Ştatları (ABŞ) Müdafiə Nazirliyinin (Pentaqon) Türkiyənin Suriyanın şimal-şərqində separatçı terror təşkilatı YPG/PKK-ya qarşı mümkün əməliyyatını "qayğıverici" və "qəbuledilməz" adlandırdığı açıqlamasının tonunu yumşaltdı.

  Pentaqonun sözçüsü polkovnik Rob Meninq (Manning) Anadolu Agentliyinə (AA) verdiyi məlumatda bildirib:

  “Pentaqonun ötən həftə verdiyi açıqlama o günün şərtlərinə görə idi. Amma bu gün meydanda vəziyyət dəyişdi. Ona görə bugünkü açıqlamalarımız keçərlidir. Şərtlər dəyişdi, ancaq biz Türkiyə ilə bütün məsələlərdə yenə koordinasiya vəziyyətindəyik".