Rusiyanın Ankara səfiri Andrey Karlovun qətli işi üzrə istintaq

Rusiyanın Ankara səfiri Andrey Karlovun qətli işi üzrə istintaqda sona çatılır.

2016-cı ilin 19 dekabrında paytaxt Ankarada keçirilən foto sərgisi zamanı güllələnərək qətlə yetirilən Karlovun ördürülməsilə əlaqəli istintaqı davam etdirən Cümhuriyyət prokuroru ittiham aktını başa çatdırıb.

Qeyd edək ki, Andrey Karlov 2016-cı ilin 19 dekabrında Ankarada keçirilən foto sərgisi zamanı güllələnərək qətlə yetirilib. Qətl polis əməkdaşı Mövlut Altıntaş tərəfindən həyata keçirilib. O, təhlükəsizlik orqanlarının əməkdaşları tərəfindən zərərsizləşdirilib.

Cinayət işi ilə bağlı olaraq sərgi təşkilatçısı, bəzi polis əməkdaşları və Altıntaşın “FETÖ (Fətullahçı terror təşkilatı) üzvü, sabiq Bilik Texnologiyaları və Telekommunikasiya İdarəsinin əməkdaşı Şahin Söğüdün də aralarında olduğu 9 nəfər həbs edilib.