Türkiyə Böyük Millət Məclisinin sədri Binəli Yıldırım Argentinada görüşlər keçirir

Türkiyə Böyük Millət Məclisinin (TBMM) sədri Binəli Yıldırım Argentina Nümayəndələr Məclisinin sədri Emilio Monzo ilə görüşüb.

TBMM mənbələrinin məlumatına görə, Argentinada keçirilən G20 ölkələrinin Parlament Forumunda iştirak edən Yıldırım və Monzo iki tərəfdən heyətlərin iştirakı ilə Nümayəndələr Məclisində görüş keçiriblər.

Binəli Yıldırım daha sonra Argentina-Türkiyə Dostluq Qrupunun üzvlərini qəbul edib.

Görüşlərdə Türkiyə və Argentina arasında hər sahədə inkişaf edən ikitərəfli əlaqələrdən duyulan məmnunluq dilə gətirilib.