TSQ Münbiçdə 26-cı nəzarət fəaliyyətini həyata keçirdi

Türkiyə Silahlı Qüvvələri  Suriyanın Münbiç rayonunda 26-cı  nəzarət fəaliyyətini həyata keçirdi.

Türkiyə Silahlı Qüvvələri Baş Qərargahından  verilən məlumata görə, ötən gün TSQ və Amerika Birləşmiş Ştatları Silahlı Qüvvələrinin birlikləri tərəfindən "Fərat Qalxanı" əməliyyatı sahəsi ilə Münbiç arasında qalan zolaqda 26-cı koordinasiyalı/müstəqil nəzarət fəaliyyəti həyata keçirilib.

İlk nəzarət fəaliyyəti 18 iyunda həyata keçirilmişdi.

Türkiyə Xarici İşlər naziri Mövlud Çavuşoğlu ilə ABŞ dövlət katibi Mayk Pompeonun (Mike Pompeo) 4 iyundakı görüşündə rayonda təhlükəsizlik və sabitliyi təmin edən yol xəritəsi qəbul edilmişdi.

Plan Türkiyə və ABŞ  hərbi-kəşfiyyat birliklərinin rayonda birgə nəzarətə başlamasını da nəzərdə tutur.