"Türkiyə hər an Kandilə girə, hər an hər şey ola bilər", B.Bozdağ

  Türkiyə baş nazirinin müavini və hökumət sözçüsü Bəkir Bozdağ 24 İyun seçkisi əvvəli parlamentli sistemin 65-ci - axırıncı Nazirlər Kabineti toplantısından sonra açıqlamalar verib. O deyib: “Bu günə qədər seçki prosesi böyük demokratik abu-havada keçir. Hər hansı mənfi hala rast gəlinməyib… 11-12-13 iyun tarixlərində də SSK və Bağkur təqaüdçüləri əmək haqlarını alacaq. Ramazan Bayramı münasibətilə inzibati istirahət olmayacaq.”

  Türkiyə Silahlı Qüvvələri tərəfindən ehtimal olunan hərbi əməliyyatla bağlı isə baş nazirin müavini: “Türkiyə Kandilə girə, hər an hər şey ola bilər”, - deyib. O həmçinin: “Harada terrorçu varsa, harada Türkiyəyə yönəlmiş təhdid varsa, ora Türkiyə üçün hədəfdir, həm terrorçular, həm də oradakı terrorizm mənbələrinin hamısı”, - deyə vurğulayıb.