CHP-dən prezidentliyə namizəd Gemlikdə xalqa səsləndi

  Türkiyənin Cümhuriyyət Xalq Partiyasının (CHP) prezidentliyə namizədi və Yalova millət vəkili Məhərrəm İncə 7 mayda bütün prezidentliyə namizədlərlə görüşmək və uğurlar arzulamaq üçün randevu istəyəcəyini deyib.

  M.İncə Bursa şəhərinin Gemlik Estakada meydanında təşkil edilən mitinqdə çıxışında deyib: “Gemlik küçələrində gəzərkən İYİ Partiya, Səadət Partiyası və Vətən Partiyası ilə yanaşı seçki platformamızı gördüm. Bu mitinq sahəsindən gemlikli CHP üzvlərinə səslənirəm: onlar da sizin yoldaşlarınızdır. Kimə istəyirsiniz, imza verin, dəstək olun. Demokratiya budur".