Üç terrorçu zərərsizləşdirildi
Türkiyədə Ağrı dağı bölgəsində separatçı terror təşkilatı PKK-ya qarşı keçirilən hava əməliyyatında sərhəd qoşunlarına və vətəndaşlara qarşı aksiya törətməyə hazırlaşan 3 terrorçu zərərsizləşdirildi.
946199
Türkiyədə Jandarm Komandanlığının dəstələri Ağrı Dağı bölgəsində keçirilən əməliyyatda sərhəd qoşunlarına və vətəndaşlara qarşı aksiya törətməyə hazırlaşan bir qrup terrorçunun yerini müəyyən etdi.
Bundan sonra PKK-ya qarşı keçirilən hava əməliyyatında 3 terrorçu zərərsizləşdirildi.
Terrorçuların martın 12-də gizir Göksəl Koçun şəhid olmasına səbəb olan aksiyanı həyata keçdikləri bildirilir.
Terrorçuların yerini müəyyən edən hərbi dəstələr son günlər İrandan qaçaq yollarla Türkiyə ərazisinə girən Əfqanıstan və Pakistan mənşəli şəxsləri yaxalamaq üçün bölgədə əməliyyat aparırlar.
