Rəcəb Tayyib Ərdoğandan Avropa Parlamentinə sərt reaksiya

 Türkiyənin dövlət başçısı və Ədalət və İnkişaf Partiyasının sədri Rəcəb Tayyib Ərdoğan partiyasının Ərzurum 6-ci Şəhər Konqresi ərəfəsində xalqa müraciət etdi.

 Ərdoğan Avropa Parlamentinin Afrinlə bağlı qəbul etdiyi qərara reaksiya göstərərək: "Avropa Parlamenti, siz bu millətə nə zamandan bəri ağıl verməyə başladınız? O ağlı özünüzə saxlayın. 3.5 milyon suriyalıya 7 ildir ev sahibliyi edən bizik. Bizə yalvardınız: "Amandır, qapıları açmayın" deyərək. Biz insanlıq etdik, amma siz insanlıq nədir, bilmirsiniz. İndi də istədiyiniz qərarı qəbul edin. Sizin qəbul etdiyiniz qərarların heç bir dəyəri yoxdur" deyə danışdı.