PKK mənsubu 4 terrorçu təhlükəsizlik qüvələrinə təslim oldu

Türkiyənin Şırnak vilayətinin Silopi qəsəbəsində İraqın şimalındakı sığınacaq yerlərindən qaçan terror təşkilatı PKK mənsubu 4 terrorçu təhlükəsizlik qüvələrinə təslim olub.

Bununla bağlı məlumat Baş Qərargahın internet səhifəsində yer tutub.

Məlumata görə, Şırnak vilayətinin Silopi qəsəbəsində 4 terrorçu təslim olduqda, Bitlis vilayətində təhlükəsizlik qüvvələrinin ərazidə apardığı axtarışlar zamanı müxtəlif silah-sursat və avadanlıq keçirildi.

İraqdan Türkiyəyə keçməyə cəhd edən üç, İrandan Türkiyəyə qeyri-qanuni yolla keçməyə çalışan bir nəfər yaxalandı.

Digər tərəfdən Yunanıstandan Türkiyəyə qeyri-qanuni yolla keçməyə cəhd edən 8, Türkiyədən də Yunanıstana keçməyə cəhd göstərən 148 adamın yaxalandığı bildirilib.