Bәkir Bozdağ:‘‘Rejim qüvvәlәrinin Afrinә daxil olacağı ilә bağlı yayılan xәbәr yalandır’’
Baş nazirin müavini vә hökumәt sözcüsü Bәkir Bozdağ Suriyada rejim qüvvәlәrinin separatçı terror tәşkilatı PKK-nın qolu YPG-ni qorumaq üçün Afrinә daxil olmasının fәlakәtә sәbәb olacağını deyib.
Nazirlәr Kabinetinin toplantısından sonra açıqlama verәn Bәkir Bozdağ Türkiyә Silahlı Qüvvәlәrinin Suriyanın Afrin bölgәsindә apardığı ‘‘Zeytun Budağı’’ әmәliyyatının planlaşdırılmış şәkildә davam etdirildiyini bildirib.
Türkiyәnin qәtiyyәtli olduğunu deyәn Bәkir Bozdağ rejim qüvvәlәrinin Afrinә daxil olacağı ilә bağlı yayılan xәbәrin yalan olduğunu qeyd edib.
Baş naziri müavini bu barәdә tәhlükәsizlik mәnbәlәrinin mәlumat verdiyini bildirib.
‘‘Zeytun Budağı’’ әmәliyyatı nәticәsindә mәhv edilәn terrorçu sayının 1651 yüksәldiyini bildirәn Bәkir Bozdağ bölgәdәki son terrorçu mәhv edilәnәdәk mübarizәnin davam etdirilәcәyini vurğulayıb.
Bәkir Bozdağ Amerika Birlәşmiş Ştatları ilә Münbiç mövzusunda aparılan danışıqlar ilә bağlı bildirib ki:’’ Türkiyә Münbiçin terrorçulardan tәmizlәnmәsindә qәtiyyәtlidir. ABŞ oradan YPG-ni geri çәkmәsә son sözü biz deyәrik. Ümid dirik ki, әmәliyyata ehtiyac olmadan dialoq yolu ilә hәll edilәr.’’
