Pakistan və Türkiyə bir-birinə hərbi avadanlıq satışını davam etdirir
Pakistanın Müdafiə Sənayesi naziri Rana Tanvir Hüseyn ölkəsinin Türkiyədən 30 hücum vertolyotu və 4 döyüş gəmisi almağı planlaşdırdığını deyib.
Ankarada rəsmi görüşlərdə olan R.T.Hüseyn Pakistanla Türkiyə arasında uzun müddətdir müdafiə əməkdaşlıq və ikitərəfli əlaqələr olduğunu vurğulayaraq deyib: “Hal-hazırda Pakistan Türkiyədən T-129 hücum vertolyotu alma danışıqları aparır. Vertolyot satışına dair prosesin 90 faizi tamamlanıb, təkliflər və maliyyə məsələləri müzakirə olunur. Yaxınlarda isə MİLGEM layihəsi çərçivəsində Pakistan 2-i Türkiyə və 2-i Karaçidə olmaqla 4 gəminin inşa edəcək. Türkiyə də Pakistandan 52 "Super Mushshak" təlim təyyarəsi alacaq. Bir çox ölkədə bu təyyarə var və xüsusən, hərbi təlimlər zamanı istifadə edilir. Türkiyə Pakistan istehsalı olan JF-17 döyüş təyyarəsi almağı da nəzərdən keçirir.”
Pakistanın Müdafiə Sənaye naziri Rana Tanvir Hüseyn Pakistan silahlı qüvvələrinin terrorizmlə mübarizədə 2014-cü ildən bu yana Zari-Azb və bu il fevralından Raddü-fasaad əməliyyatları apardığını xatıladaraq deyib: “Əvvəlki illərdə Pakistanda bir ildə təxminən 1500 terror hadisəsi törədilirdi, indi bu rəqəm ildə 40-a düşüb. Biz terror təşkilatı DAEŞ və Talibanın tüğyan etdiyi Əfqanıstanın da sülhün hakim olduğu ölkə halına gəlməsini arzu edirik”.
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.