Türk əsgəri Suriya ilə sərhədi keçib

Türkiyə ordusunun bölmələri Suriya sərhədini keçərək İdlib əyalətinə daxil olub.

Bu barədə Türkiyə Silahlı Qüvvələrinin Baş Qәrargahı mәlumat yayıb.

Türkiyə Silahlı Qüvvələrinin bölmələri qarant ölkələrin (Türkiyə, Rusiya və İran) daxil olduğu nəzarət qüvvələrinin tərkibində yer alır.

Məlumata görə, Türkiyə hərbçiləri İdlib bölgəsində icra edəcəkləri fəaliyyət çərçivəsində müşahidə nöqtələri yaratmaq üçün oktyabrın 8-də kəşfiyyat işlərinə başlayıblar. Onlar bölgədəki vəzifələrini Astana danışıqlarında müəyyənləşdirilən qaydalara uyğun surətdə yerinə yetirəcəklər.