“Bu ölkələrdə yeni dövlət qurma cəhdləri Türkiyə üçün milli təhlükəsizlik məsələsidir”

Baş nazir Binəli Yıldırım İraqda və Suriyada yeni dövlət qurma cəhdlərinin Türkiyə üçün milli təhlükəsizlik məsələsi olduğunu söylədi.

Baş nazir Əskişəhirdə bir tədbirdə etdiyi çıxışda Türkiyənin heç kəslə savaşmaq kimi məqsədinin olmadığını bildirərək deyib ki, Türkiyənin milli təhlükəsizlik məsələsində istədiyi addımı atma haqqı var.

Baş nazir Yıldırım həmçinin ABŞ-ın Las Vegas şəhərindəki silahlı hücuma toxunaraq bildirib ki, haradan baxsanız, adı nə olarsa olsun bu bir vəhşətdir, dəlilikdir. Hadisə nəticəsində həyatını itirənlərə rəhmət, yaralılara şəfa diləyirəm. Bu yaxşı bilinsin ki, Türk  xalqı Amerika xalqının kədərlərini ürəkdən bölüşür.