Türkiyə prezidenti Hindistana səfər edəcək

 Türkiyə prezidenti Rəcəb Tayyib Ərdoğanın 30 aprel -1 may tarixlərində Hindistana olan səfəri çərçivəsində Hindistan prezidenti Mukherjee  və baş naziri Narendra Modi ilə təkbətək və heyətlərarası görüşləri olacaq.
 
Türkiyə prezidenti Hindistanın vitse-prezidenti Məhəmməd Həmid Ənsari və xarici işlər naziri Sushma Svarajı da qəbul edəcək.
 
 Səfər münasibətilə Türkiyə və Hindistanın aparıcı şirkətlərinin rəhbərlərinin qatılacağı "Türkiyə-Hindistan Biznes Forumu" keçiriləcək.
 
 Prezident Ərdoğanın keçirəcəyi görüşlərdə Hindistan ilə ikitərəfli əlaqələr müzakirə ediləcək,  regional və beynəlxalq məsələlər haqqında fikir mübadiləsi aparılacaq.