Qəndildə daha 27 terrorçu məhv edildi

İraqın şimalındakı Qəndil bölgəsinə istiqamətli 22 fevraldan bəridir təşkil edilən hava əməliyyatında 27 terorçu məhv edilib.

Baş Qərargah Rəisliyinin yaydığı məlumata əsasən, fevralın 22-də yerli saatla 14.30-15-15 arasında İraqın şimalında yerləşən Qəndil bölgəsinə, əldə edilən kəşfiyyatın dəyərləndirilməsi nəticəsində,  Türkiyə Hava Qüvvələrinə məxsus qırıcılarla hava əməliyyatı həyata keçirilmişdi. Əməliyyat nəticəsində PKK quldurlarının üç sığınacaq yeri dağıdılıb.

Daha sonra aparılan fəaliyyətlər nəticəsində əməliyyatdan sonra terror təşkilatı PKK-nın 27 quldurunun məhv edildiyi bildirilib.