R.T.Әrdoğan:‘‘Efiopiya FETÖ-nün cani üzünü görәn dostlarımızdandır’’
Efiopiya prezidenti Virtu dövlәt başçısı Rәcәb Tayyib Ərdoğanın dəvəti ilə Ankaraya sәfәr edib.
Dövlət başçısı Rəcəb Tayyib Ərdoğan Fetullahçı Terror Təşkilatı Paralel Dövlət İdarәçiliyinin (FETÖ/PDY) Efiopiyadakı məktəblərinin Maarif fonduna təhvil veriləcəyini açıqlayan Efiopiya prezidenti Mulatu Teşome Virtuya FETÖ-nün cani üzünü gördüyü üçün təşəkkür edib.
Efiopiya prezidenti Virtu dövlәt başçısı Rәcәb Tayyib Ərdoğanın dəvəti ilə Ankaraya sәfәr edib.
Virtu iyulun 15-dә dövlәt çevrilişinә cәhd zamanı F-16 tipli tәyyarәlәr tәrәfindәn bombalanan və ziyan görən Türkiyə Böyük Millət Məclisinә baxış keçirib.
Mulatu Teşome Virtu TBMM-nin sәdr müavini Əhməd Ziya ilə də görüşüb.
Əhməd Ziya Türkiyə-Efiopiya münasibәtlәrinin dәrin tarixi köklәrә әsaslandığını bildirib.
Çankaya Köşkündə baş nazir Binәli Yıldırımla da görüşən Virtu daha sonra Prezident İqamәtgahında dövlәt başçısı Rәcәb Tayyib Әrdoğan tərəfindən qarşılanıb.
İki lider görüş zamanı beynəlxalq məsələləri və ikitərəfli münasibәtlәri qiymətləndirib.
Görüşdәn sonra birgә mәtbuat konfransı keçirilib.
FETÖ-nün Efiopiyadakı mәktәblәrinin bağlanılacağını bildirәn Virtuya tәşәkkür edәn Әrdoğan: ''Efiopiya FETÖ-nün cani üzünü, bəşəriyyət üçün təşkil etdiyi böyük təhdidi görən dostlarımızdandır. Bu məsələ ilə əlaqədar әl birliyi ilə lazım olan addımları atırıq. FETÖ-nü yalnız Efiopiyadan deyil, sirayət etdiyi digər region ölkələrindən də təmizləmə məsələsində qərarlıyıq" deyә bildirib.
Efiopiya Prezidenti Virtu isә öz növbәsindә iyulun 15-dә nümayiş etdirdiyi liderliyә görә dövlәt başçısı Rәcәb Tayyib Әrdoğanı tәbrik etdi..