Xaricdə yaşayan Türkiyə vətəndaşları İstanbul terrorunu lənətlədilər
İstanbulda törədilən xain terror hücumu xaricdə yaşayan Türkiyə vətəndaşlarının da hiddətinə səbəb olub.
İstanbulda törədilən xain terror hücumu xaricdə yaşayan Türkiyə vətəndaşlarının da hiddətinə səbəb olub.
Sosial media vasitəsilə təşkilatlanaraq əllərində Türk bayraqları ilə Almaniyanın Köln şəhərindəki Ebert Meydanında toplanan vətəndaşlar İstiqlal Marşı oxudular, Türk və alman dillərində terroru lənətləyən şüarlar səsləndirdilər.
Etirazçılar terrorun bütün təzahürlərini kəskin şəkildə pislədilər, terror hücumlarında şəhid olanlar üçün dualar oxudular.
Terror hücumu İsveçrənin Sürix şəhərində də "Hamımız Polisik" başlığı ilə keçirilən terroru qınama mitinqində lənətləndi.
Türkiyənin Sürix Baş Konsulluğunun qarşısında toplanan Türkiyə vətəndaşları əllərində Türk bayraqlarını dalğalandıraraq təcavüzü şiddətlə qınadılar.
Mitingdə Türkiyənin Sürix Baş Konsulluğundan Konsul Abuzər Kosa, Ümumdünya Türk İş Şurası Avropa Bölgəsi Komitəsinin sədri Suat Şahin, MÜSİAD sədri Cəsur Çıtak və İsveçrə Türk Cəmiyyətinin sədri Levent Karaağaç çıxış etdilər.
Azərbaycanın paytaxtı Bakıda da, terror hücumunu pisləyən Azərbaycan vətəndaşları Türkiyənin Bakıdakı Səfirliyi qarşısında toplaşdılar.
Bakı Müharibə Əlil və Veteranlar İctimai Birliyinin sədri Fuad Rzayev: "Türkiyə və Azərbaycan bir millət, iki dövlətdir. Biz bu gün Türkiyənin arxasındayıq" dedi.
Türkiyənin Bakı Səfirliyində və konsulluqlarda bayraqlar yarıya endirilib.
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.