Adana valiliyindǝ partlayış törǝdilib
Adana Valiliyi binasının yaxınında törədilən partlayış nəticəsində 2 nəfər ölüb, 21 nəfər yaralanıb.
Adana valisi Mahmud Dǝmirtaşın mǝlumatına görǝ İnzibati binanın avtomobil dayanacağında partlayış törədilib. Xeyli sayda maşın yanıb, yaxınlıqdakı evlərə ziyan dəyib. Hadisǝ nǝticǝsindǝ 2 nǝfǝr hǝyatını itirib, 21 nǝfǝr dǝ yaralanıb.
Vali hücumun Mersin nömrəli bir avtomobil ilə törǝdildiyini cinayǝtkarın qadın olduğunu qeyd edib.
Əmək və sosial Müdafiə naziri Mehmet Müezzinoğlu isə, yaralıların 5-nin vəziyyətinin ağır olduğunu bildirib.
Partlayışdan sonra hadisǝnin törǝdildiyi yerǝ xeyli sayda təcili tibbi yardım cǝlb olunub. Avtomobil dayanacağında vǝzifǝli tǝhlükǝsizlik ǝmǝkdaşı saxlanıb.
Avropa İttifaqı işlǝri üzrǝ nazir vǝ Baş mǝslǝhǝtçi Ömər Çǝlik, hadisənin terror aktı olduğunu bildirib vǝ Türkiyǝnin terrora qarşı mübarizǝsinin davam edǝcǝyini qeyd edib.
Baş nazir müavini Numan Kurtulmuş da hadisǝ ilǝ bağlı verdiyi açıqlamada: “Bölgədə oynanan oyunu pozduğu üçün hədəf götürülǝn Türkiyə, terrora təslim olmayacaq, terrorla mübarizəsini qətiyyətlə davam etdirəcək. Adanadakı xain hücumu, mǝhz terroru və dəstəkçilərini lənətləyirəm. Xain hücumda hǝyatını itirǝnlǝrǝ rǝhmǝt vǝ yaralılara tǝcili şǝfa arzulayıram” deyib.
Baş nazir müavini Nurettin Canikli dǝ hadisǝ ilǝ ǝlaqǝli açıqlamasında Türkiyənin terrora və dəstəkçilərinə baxmayaraq birlik bǝrabǝrliyini, gücünü və inkişaf əzmini qoruyacağını qeyd edib.
Amerika Birləşmiş Dövlətlərinin Ankara səfirliyi də hücumu qlǝnǝtlǝyib. Hadisǝdǝ hǝyatını itirǝnlǝrin ailǝlǝrinǝ baş sağlığı verib. ABŞ-nın terrora qarşı mübarizǝdǝ Türkiyənin yanında yer almaqda davam edǝcǝyini bildirib.
