John Kirby:"Türkiyəni dəstəklədik və dəstəkləməyə davam edirik "
Amerika Birləşmiş Ştatlarının Dövlət Departamentinin sözçüsü John Kirby Fətullahçı Terror Təşkilatı (FETÖ) ilə bağlı suallara cavab verdi.
Amerika Birləşmiş Ştatlarının Dövlət Departamentinin sözçüsü John Kirby 15 İyul dövlət çevrilişi cəhdinin arxasında ABŞ-ın durmasına dair Türk xalqında formalaşan fikir haqqında: "Türkiyə xalqının, və ya rəsmilərinin ağlından keçənləri bilmirəm" dedi.
Kirby :" Çevrilişinin arxasında duran Fətullahçı Terror Təşkilatının (FETÖ) başçısı Fətullah Gülənin ABŞ-da olması faktı Türkiyədə anti -amerikan əhval-ruhiyyəsinin yüksəlməsinə səbəb ola bilərmi?" sualına bunun səbəbini bilmədiyi yönündəki mövqeyini təkrarladı.
Ölkəsinin çevriliş cəhdi ilə heç bir əlaqəsinin olmadığını təkrarlayan Kirby:"ABŞ rəhbərliyi olaraq Türkiyəni və Türkiyənin demokratik yolla seçilmiş hökumətini dəstəklədik və dəstəkləməyə də davam edirik" dedi.
Dövlət Departamentinin sözçüsünə Pensilvaniyada yaşayan Fətullah Gülənin ABŞ-dan qaça biləcəyi ehtimalı ilə əlaqədar olaraq hər hansı bir təhlükəsizlik tədbirinin görülülüb-görülməməsi ilə bağlı sual da verildi.
Kirby məsələ ilə ABŞ-ın Ədliyyə Nazirliyinin məşğul olduğunu qeyd etdi.
Mətbuat konfransından sonra John Kirbyə FETÖ-nün 15 iyuldakı dövlət çevrilişi cəhdinin xronologiyasını və sonrakı reaksiyaları əks etdirən "FETÖ-nün Çevriliş Cəhdi dəqiqə-qəqiqə" adlı kitab hədiyyə edildi.
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.