B.Yıldırım: ‘‘Fetullahçı Terror Təşkilatı qlobal tәhdit yaradır’’
Türkiyәnin Baş naziri Binәli Yıldırım Fətullahçı Terror Təşkilatının (FETÖ) qlobal təhdid yaratdığını vurğuladı.
Türkiyәnin Baş naziri Binәli Yıldırım Fətullahçı Terror Təşkilatının (FETÖ) qlobal təhdid yaratdığını vurğuladı.
İstanbulda keçirilәn Türkiyə - Afrika İqtisadiyyat və Biznes Forumunun qala yemәyindә Afrika ölkələrindən gələn nümayəndələrə müraciət edən baş nazir bu ölkələrә FETÖ barədə bir daha xəbərdarlıq etdi.
Baş nazir B. Yıldırım çıxışında Fətullahçı Terror Təşkilatı Paralel Dövlət İdarәçiliyinin (FETÖ/PDY) 15 iyulda hәyata keçirdiyi dövlət çevrilişi cəhdinə də toxunaraq: ‘‘Bәlkә Türkiyәyә gәlmәzdәn əvvəl hadisәlәrә kәnardan baxdığınız zaman fәrqli düşünә bilәrsiniz, lakin çevrilişdәn sonra Türkiyәyә sәfәr edәn bütün dostlarımız eşitdiklәri ilә gördüklәrinin fәrqli olduğunu anladılar’’ deyә bildirdi.
B.Yıldırım bu terror tәşkilatının yalnız Türkiyә üçün deyil fәaliyyәt göstәrdiyi 160 ölkә üçün tәhdid yaratdığını dedi.
B.Yıldırım bu terror təşkilatının nəzdində fəaliyyət göstərən təşkilatların Afrika ölkələrində də fəaliyyət göstərdiyini bildirdi.
Baş nazir hәmçinin terror təşkilatının qitədəki mövcudluğuna yol verilməməsi üçün müvafiq tədbirlərin görülmәsinin vacibliyini vurğuladı.
Binәli Yıldırım çıxışı zamanı Türkiyə-Afrika münasibətlərinә dә toxunaraq: ‘‘10 il əvvəl Türkiyənin Afrika ölkәlәri ilә ticarət hәcmi 6-7 milyard dollar idi, hazırda isә 18 milyard dollardır’’ deyә bildirdi.