Qaziantepin Suriya ilə sərhəd əraziləri "xüsusi təhlükəsizlik bölgəsi" elan edildi
Türkiyənin Gaziantep şəhər valiliyindən verilən məlumata görə, qərarın Suriya sərhədində təhlükəsizlik vəziyyətini dəstəkləmək, vətəndaşların həyatlarının və əmlaklarının təhlükəsizliyini mümkün təhdid və təhlükələrdən qorumaq üçün verildiyi bildirilir.
Qaziantepin Suriya sərhədindəki bəzi bölgələri 15 gün müddətinə "xüsusi təhlükəsizlik bölgəsi" elan edildi.
Gaziantep valiliyindən verilən məlumata görə, qərarın Suriya sərhədində təhlükəsizlik vəziyyətini dəstəkləmək, vətəndaşların həyatlarının və əmlaklarının təhlükəsizliyini mümkün təhdid və təhlükələrdən qorumaq üçün verildiyi bildirilir.
Bu əsasda, Karkamış qəsəbəsinin Beşkılıç- Türkyurdu arasında yerləşən Suriya sərhədi bölgəsinin 3 sentyabr saat 17.00 –a qədər 15 gün müddətində xüsusi təhlükəsizlik bölgəsi elan edilməsinə qərar verildi.
Məlumatda:"Xüsusi təhlükəsizlik bölgəsi elan edilən yerlərdə hər növ nəqliyyat vasitəsi və insanların giriş-çıxışının nəzarəti, zəruri hallarda qadağan edilməsi və lazımi təhlükəsizlik tədbirlərinin alınması Şəhər Jandarma Komandirliyi və Şəhər Polis İdarəsi tərəfindən həyata keçirilir" deyilir.