Baş nazir müxalifǝt partiyalarının liderlǝriylǝ görüşüb
Baş nazir Binəli Yıldırım Cümhuriyyǝt Xalq Partiyasının (CHP) lideri Kamal Kılıçdaroğlu və MHP lideri Dövlǝt Bahçeli ilǝ Çankaya Köşkündə bir araya gəlib
"Bu gün birlik vǝ hǝmrǝyliyǝ ehtiyacımız var". Bunu Ədalət və İnkişaf Partiyasının lideri və Baş nazir Binəli Yıldırım deyib.
Türkiyənin Baş naziri Binali Yıldırım, Cümhuriyyǝt Xalq Partiyasının (CHP) lideri Kamal Kılıçdaroğlu ilə Çankaya Köşkündə bir araya gəlib. İki lider arasında baş tutan görüşdǝn sonra tǝşkil edilǝn mǝtbuat konfransınrda CHP lideri Kılıçdaroğlu: “Bǝzi narahatlıqlarımızın olduğunu Baş nazirǝ bildirdim. Xüsusilə, əmrǝ itaǝt etmǝk mǝcburiyyǝtindǝ olan ǝsgǝrlǝrǝ istiqamətli şiddət hadisələrinin doğru olmadığını, bunlarla bağlı istintaq aparılmasının lazım olduğunu dedim. Cəmiyyətdəki gərginliyi ǝl-ǝlǝ verǝrǝk aradan qaldırmaq vǝzifǝmizdir”.
Baş nazir Yıldırım da 15 iyuldakı hǝrbi çevriliş cəhdinin nəticələri haqqında Kılıçdaroğluna məlumat verib, müxalifǝtǝ tǝşǝkkürünü bildirib. Bundan sonra daha tǝdbirli olmağın lazım gǝldiyini ifadǝ edǝn Yıldırım bu vǝziyyǝtdǝn su-istifadǝ etmǝk istǝyǝn tǝrhikçilǝrǝ qarşı ehtiyyatlı olunması, heç bir imkan yaradılmaması, belǝ xain işlǝrǝ cǝhd edǝnlǝrǝ lazımi cavabın dǝrhal verilmǝsi, hüquq çǝrçivǝsindǝ görülǝcǝyi, cinayǝtkarların ədalətə təslim ediləcəyi haqqında danışıb.
Baş nazir Binali Yıldırım sonra MHP lideri Dövlət Bahçeli ilə bir araya gəlib. Görüşdǝn sonra verdiyi açıqlamada Yıldırım deyib: “Bundan sonra görülǝsi işlǝr var. Qarşıdakı günlǝrdǝ lazımi addımlar atacağıq. Türkiyədə daha separatçı terror mǝsǝlǝsi və çevriliş cǝhdi olmayacaq".
MHP lideri Dövlǝt Bahçeli də öz növbǝsindǝ: “Xain çevriliş cǝhdinin qarşısının alınması, gǝlǝcǝkdǝ təkrar olunmaması üçün siyasi iqtidarın atdığı addımlara vǝ sǝylǝrǝ MHP olaraq Məclisdə təmsil edilən 40 millət vəkilimizlə və xalqdan aldığımız dǝstǝklǝ dayaq edǝcǝyimizi hörmətli baş nazirimizə bir daha çatdırdım.”
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.