Esenboğa hava limanında inşa olunan məscid ibadətə açıldı

Açılışını Türkiyə prezidenti Rəcəb Tayib Ərdoğanın etdiyi  məscidə 'İldırım Bəyazıd' adı verildi.

Mərasimdə açılış nitqi ilə çıxış edən Ərdoğan: "Burada məscidə ciddi ehtiyac vardı" dedi.  

Prezident məscidin qonaqların və ölkə vətəndaşlarının  gedərkən və gələrkən :" Cümə namazına necə yetişəcəyik?", "Namazımızı harda qılacağıq" suallarına cavab olduğunu qeyd etdi.

Səlcuqlu və Osmanlı memarlıq ənənələri əsasında inşa edilən məscid 5 min 85 kvadrat metr sahəni əhatə edir.