Midyatda törәdilәn xain hücum nәticәsindә bir polis ilә iki mülki vәtәndaş hәyatını itirib
Türkiyәnin Mardin şәhәrinin Midyat qәsәbәsindә Polis İdarəsinә PKK üzvü terrorçuların bomba yüklü avtomobil ilә tәşkil etdiklәri hücum nәticәsindә ilkin mәlumatlara görә iki qadın polis әmәkdaşı ilә iki mülki vәtәndaş hәyatını itirib.
Hücum nәticәsindә 34 nәfәr dә yaralanıb.
Hәyatını itirәn qadın polislәrdәn birinin 6 aylıq hamilә olduğu bildirilib.
Partlayış nәticәsindә әtrafda yerlәşәn binalara ciddi ziyan dәyib.
Bölgәyә әlavә tәhlükәsizlik qüvvәlәri göndәrilib.
Qeyd edәk ki, Türkiyәnin DİN rәhbәri Efkan Ala hücum ilә әlaqәdar dövlәt başçısı Rәcәb Tayyib Әrdoğana mәlumat verib.
Mardin Valisinin müavini Erkan Çaparla telefonla görüşәn dövlәt başçısı R.T Ərdoğan hadisәnin gedişatını yaxından tәqib edir.
Baş nazir Binali Yıldırım da hücumu törәdәnlәrin terror tәşkilatı PKK üzvü olduqlarını deyib.
Dünәn İstanbulda törәdilәn xain hücum nәticәsindә yaralanan vәtәndaşlara xәstәxanada baş çәkәn Binali Yıldırım terrora qarşı mübarizәnin qәtiyyәtlә davam edәcәyini deyib.
Binali Yıldırım: ‘‘Millәtimiz bilsin ki, Türkiyә Cümhuriyyәti güçlüdür, Türk millәti bir vә bәrabәrdir.Terrora qarşı mübarizәmizdәn imtina etmәyәcәyik’’ deyib.
Baş nazir hәm şәhәrdә hәm dә kәnddә terrorun Türkiyәnin gündәmindәn çıxarılması üçün tәhlükәsizlik qüvvәlәrinin amansız mübarizәsini davam etdirәcәklәrini söylәyib.