12 terrorçu zərərsizləşdirilib

Şırnakda təhlükəsizlik qüvvələri tərəfindən PPK-ya qarşı əməliyyat keçirilib. Nəticədə 12 terrorçu zərərsizləşdirilib.

Şəhərdə küçəyə çıxma qadağasından sonra mayın 14-dən başlayan əməliyyatlar davam edir.

Təhlükəsizlik qüvvələri axşam saatlarında çox sayda terrorçunun olduğu bir evi mühasirəyə alıb.

Terrorçuların təhlükəsizlik qüvvələrinə iri çaplı silahlarla atəş açması nəticəsində qarşıdurma baş verib. 

Təxminən bir saat davam edən qarşıdurma zamanı terrorçular zərərsizləşdirilib, çox sayda silah-sursat ələ keçirilib. 

Şəhərdə keçirilən əməliyyatlarda bu zamana qədər 386 terrorçu zərərsizləşdirilib, 164 barikada və 21 çuxur bağlanıb.