Volkan Bozkır və Mövlud Çavuşoğlu birgə mətbuat konfransı keçirib
Avropa İttifaqı üzrә nazir Volkan Bozkır Aİ Komissiyasının Türkiyə vətəndaşlarına viza rejiminin sәrbәstliyi ilә bağlı tövsiyə qərarına dair iyun ayının sonuna qədər hüquqi prosesin başa çatacağını deyib.
Avropa İttifaqı üzrә nazir Volkan Bozkır Aİ Komissiyasının Türkiyə vətəndaşlarına viza rejiminin sәrbәstliyi ilә bağlı tövsiyə qərarına dair iyun ayının sonuna qədər hüquqi prosesin başa çatacağını deyib.
Volkan Bozkır və XİN rәhbәri Mövlud Çavuşoğlu Aİ Komissiyasının tövsiyә qәrarı ilә əlaqədar birgə mətbuat konfransı keçirib.
M. Çavuşoğlu viza rejiminin lәğvinin iyun ayında həyata keçirilməsi üçün böyük səylәr göstәrdiklәrini bildirib.
‘‘Biz hazırkı durumdan məmnunuq. Bundan sonrakı mәrhәlәlәrdә dә Türkiyə müvafiq nazirliklər və hökumət olaraq səmimi şəkildə üzərimizə düşəni etməyə davam edəcəyik’’ deyə bildirən nazir Avropa İttifaqı ilə münasibәtlәrә yalnız bir pəncərədən deyil, geniş perspektivdən baxdıqlarını söyləyib. Hədəflərinin tam üzvlük olduğunu dilə gətirən M. Çavuşoğlu Avropa İttifaqından da eyni səmimiyyəti gözlədiklərini bildirib.
M.Çavuşoğlu yeni pasportlarla bağlı bildirib ki, iyunun 1-dən etibarәn pasportlar üzәrindәki çiplәrә barmaq izi әlavә olunacaq. Köhnә pasportlar barmaq izinin yüklәndiyi yeni pasportlarla dәyişdirilәcәk.
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.