Qaziantep şəhərində DEAŞ-a qarşı əməliyyat

Türkiyə DEAŞ-la mübarizədə hər tədbiri görür.

Əməliyyatlarda Suriyadakı terror təşkilatına qatılmaq üçün Türkiyəyə gələn xaricilər qısa zamanda nəzarətə götürülür.

Qaziantepdə bu ilin üç ayında terror təşkilatı DEAŞ-a qoşulmaq üçün 184 nəfər şəhərin mərkəzində və Suriya sərhədində tutulub.

33 ölkədən gələn xarici vətəndaşların 85-i həbs olunub, 99-u ölkələrinə geri göndərilib.

Geriyə göndərilənlərin ölkələrinə rəsmi məlumat verilib.

Qeyd edək ki, Qaziantepdə keçən il eyni səbəbdən tutulan xaricilərin sayı 541-ə çatmışdı.

48 ölkədən DEAŞ-a qatılmaq üçün gələnlər Suriyaya keçmədən nəzarətə alınıblar.