Türkiyə XİN səfirlərini dəyişdi

Türkiyə Rəsmi Qəzetininin bugünkü sayında dərc olunan "Nazirlər Kabinetinin təyinlərlə bağlı qərarları" na görə, Türkiyənin xarici ölkələrdə işləyən 4 səfiri geri çağırılıb, bir nəfər də Türkiyənin İndoneziyada Fövqəladə və Səlahiyyətli Səfiri təyin edilib.

Qərarlar əsasında, Türkiyənin Avropa Təhlükəsizlik və Əməkdaşlıq Təşkilatı yanında (ATƏT) Daimi Nümayəndəsi Səfir Tacan İldem, Türkiyənin İqtisadi Əməkdaşlıq və İnkişaf Təşkilatı yanında Daimi Nümayəndəsi Səfir Mithat Rende, Türkiyə Respublikasının Polşada Fövqəladə və Səlahiyyətli Səfiri Yusif Ziya Özcan və Türkiyə Respublikasının İndoneziyada Fövqəladə və Səlahiyyətli Səfiri Zəkəriyyə Akçam ölkəyə geri çağıldılar.

Türkiyə Xarici işlər Nazirliyi Müşaviri Mehmet Kadri Şander Gürbüz isə Türkiyə Respublikasının İndoneziyada Fövqəladə və Səlahiyyətli Səfiri təyin edildi.