Cizrǝdǝ 597 terrorçu zǝrǝrsizlǝşdirilib

Şırnak vilayǝtinin Cizrǝ qǝsǝbǝsindǝ davam edǝn ǝmǝliyyatlarda terror tǝşkilatı PKK-nın dırnaqarası liderlǝri dǝ zǝrǝrsizlǝşdirilib.

Cizrǝdǝ hǝyata keçirilǝn ǝmǝliyyatlarda tǝhlükǝsizlik qüvvǝlǝri tǝşkilatın dağda olan vǝ lider sǝviyyǝsindǝki “Mamo" lǝqǝbli Mustafa D. “Havin" lǝqǝbli Kania Ö. ilǝ “General" lǝqǝbli başqa terrorçu mǝhv edilib.

Tǝşkilatın dağda yerlǝşǝn kadrlarından gǝlǝrǝk qǝsǝbǝdǝki hücumlara qatılan üzvlǝrǝ ağır zǝrbǝ vurulduğu ǝmǝliyyatlarda “Agir", “Doktor" vǝ “Diijvar" lǝqǝbli dırnaqarası mǝsulların mǝhv edildiyi yaxud da Qǝndil dağına istiqamǝtli radio vasitǝsilǝ edilǝn çağırışlara cavab ala bilmǝdiklǝri üçün qaçdıqları bildirilir.

Cizrǝdǝ zǝrǝrsizlǝşdirilǝn cǝmi terrorçu sayı 597 olub.

Bu arada qǝsǝbǝdǝ dekabrın 14-dǝ elan edilǝn küçǝyǝ çıxma qadağasından sonra başladılan ǝmǝliyyatda sona yaxınlaşılıb.

Әmǝliyyat zamanı ümumilikdǝ ǝl istehsalı olan partlayıcıların yerlǝşdirildiyi 678 barrikada götürülüb, terror tǝşkilatına üzv terrorçuların qazdığı 242 xǝndǝk örtülüb.

Digǝr tǝrǝfdǝn tǝhlükǝsizlik qüvvǝlǝrinin ǝmǝliyyatlarında kömǝksiz qalan terrorçuların dırnaqarası liderlǝrinin Ermǝnistanın işğalı altındakı Dağlıq Qarabağa qaçdığı iddia edilib.

Beynǝlxalq Mǝsnǝdsiz Ermǝni İddiaları ilǝ Mübarizǝ dǝrnǝyinin (ASİMDӘR) sǝdri Göksǝl Gülbǝy Ermǝnistanın özünün xeyrinǝ olması üçün PKK vǝ başqa terror tǝşkilatlarını işğal altında saxladığı Azǝrbaycan torpaqları olan Dağlıq Qarabağa yerlǝşdirdiyini söylǝyib.

Gülbǝy Azǝrbaycanın paytaxtı Bakıdakı Dǝrnǝk binasında jurnalistlǝrǝ açıqlamasında deyib ki, Ermǝnistan Rusiyanın dǝstǝyi ilǝ işğal etdiyi bu torpaqları Qǝndil dağından qaçan terrorçulara açıb. Dağlıq Qarabağda terror tǝşkilatının tǝlim düşǝrgǝlǝri var. Rǝsmi İrǝvan terror tǝşkilatına bu bölgǝdǝn düşǝrgǝ kimi istifadǝ etmǝsinǝ icazǝ verib.