Türkiyǝdǝ sǝs vermǝ prosesi başa çatdı

Ali Seçki Şurasının statistikasına görə, ölkə daxilində 54, ölkə xaricində isə 3 milyon nəfər səsvermə hüququna malik şəxs var. Bu il iyunun 7-də keçirilmiş parlament seçkisi ilə müqayisədə ölkə daxilindəki seçicilərin sayı 310, xaricdəki seçici sayı isə 28 min nəfər artıb. Oktyabrın 10-da Türkiyənin xaricdəki diplomatik missiyalarında başlayan səsvermə ayın 25-də başa çatıb. Ölkənin Şərq və Cənubi-Şərq bölgələrindəki bəzi vilayətlərdə səsvermə saat 16:00-da başa çatarkǝn, digər bölgələrdə proses saat 17.00 başa çatıb. Seçkinin ilk nəticələri saat 20.00-dǝ açıqlanacaq.