Döyüş qurbanları olan uşaqlar İstanbulda bir araya gəlib

Müxtəlif ölkələrdəki döyüş və daxili qarşıdurmalar nəticəsində ailəsiz qalan uşaqlar İstanbulda təşkil edilən şənlikdə görüşüb.
Uşaqlar, arzularını yazıb, şəkil çəkib və əyləniblər.
Yüzlərlə uşaq, İnsani Yardım Vəqfinin təşkil etdiyi yay şənliyində görüşüb.
Fatih Karagümrük stadionunda keçirilən tədbirə, sponsor olaraq dəstək verən onlara könüllü ailələr də qatılıb. Qeyd edək ki, 2007-ci ildən bu zamana qədər dünyada ailəsiz qalan uşaqlara dəstək verən Vəqf, 54 ölkədən 67 min uşağın universitet təhsilini bitirənə qədər bütün ehtiyaclarını qarşılayır.