NATO-ya üzv dövlətlərin xarici işlər nazirlərinin iclası Antalya

ABŞ dövlət katibi Con Kerri, mayın 13-ü Antalyada keçiriləcək NATO toplantısında iştirak etmək üçün Türkiyəyə gələcək.

Dövlət departamentinin sözçüsü Mari Harf Kerrinin NATO toplantısından öncə Rusiyaya səfər edəcəyini açıqlayıb.
Harf yaydığı yazılı açıqlamada, Kerrinin Soçidə Rusiya Dövlət başçısı Vladimir Putin, Xarici İşlər naziri Sergey Lavrov və digər səlahiyyətlilərlə görüşəcəyini bildirib.
Görüş zamanı İran, Suriya və Ukraynanın da olduğu bir sıra ikitərəfli və regional mövzuların müzakirəsi gözlənilir.
Daha sonra NATO toplantısında iştirak etmək üçün Türkiyəyə səfər edəcək Con Kerri, həmin gün Körfəz ölkələrinin liderlərinə Ağ evdə veriləcək axşam yeməyinə qatılmaq üçün Vaşinqtona qayıdacaq.