Hǝll prosesi müsbǝt istiqamǝtdǝ irǝlilǝyir

Baş nazir Әhmǝd Davudoğlu, terrorun sona çatması üçün hǝyata keçirilǝn hǝll prosesinin müsbǝt istiqamǝtdǝ irǝlilǝdiyini açıqlayıb.
Baş nazir, özǝl televiziya kanallarından birindǝ canlı yayımda, hǝll prosesinǝ dair suallara cavab verǝrǝk deyib ki, bir tǝrǝfdǝn daxili tǝhlükǝsizlik vǝ ictimai nizamın tǝmin edilmǝsi sahǝsindǝ tǝdbirlǝr görǝrkǝn digǝr tǝrǝfdǝn hǝll prosesini öz qaydaları çǝrçivǝsindǝ hǝyata keçirmǝyǝ sǝy göstǝririk. Prosesdǝn nǝticǝ ǝldǝ etmǝk üçün cǝhdlǝrimiz davam edir. Son iki hǝftǝdir, son günlǝrdǝ dǝ müsbǝt irǝlilǝyişlǝr var. Bu çǝrçivǝdǝ ǝsasǝn heç vaxt müzakirǝlǝr dayandırılmadı.
Davudoğlu, Türkiyǝnin demokratiklǝşmǝsi daxilindǝ bütün fǝrqli qrupların, hǝr kǝsin bǝrabǝr sǝviyyǝdǝ vǝtǝndaşlıq haqlarından istifadǝ etdiyi, mǝdǝniyyǝtini, adǝt, ǝnǝnǝsini rahat şǝkildǝ yaşaya bildiyi Türkiyǝ ideyasını 2002-ci ildǝn bǝri tǝqib etdiklǝrini, bu mǝnada addımlar atıldığını da qeyd edib.