Türkiyǝ Liviya xalqına kömǝklik göstǝrmǝkdǝ davam edir

Türkiyǝ siyasi böhranla mübarizǝ aparan Liviya xalqına kömǝklik göstǝrmǝkdǝ davam edir.
Bu çǝrçivǝdǝ Dövlǝt rǝhbǝri vǝ hökumǝtin xüsusi nümayǝndǝsi Ankara millǝt vǝkili Әmrullah İşlǝr Liviyanın Beyda şǝhǝrindǝ dünǝn bir sıra görüşlǝr keçirib.
İşlǝr, Liviyadan qayıdarkǝn Ankara Әsǝnboğa hava limanında verdiyi açıqlamada, görüşlǝrdǝ iki tǝrǝfin birbirini daha yaxşı başa düşmǝ imkanı ǝldǝ etdiyini bildirǝrǝk deyib ki, Liviyada sülh vǝ sabitliyi yenǝ Liviya xalqı tǝmin edǝcǝkdir. Mövcud siyasi böhran da ancaq dialoq prosesilǝ öz hǝllini tapacaq. Bu prosesdǝ Liviyaya xaricdǝn müdaxilǝ edilmǝsi, hǝtta hǝrbi müdaxilǝ edilmǝsi vǝ ya ölkǝdǝki qruplara hǝrbi dǝstǝk verilmǝsi sülhün yaranması üçün göstǝrilǝn cǝhdlǝrǝ zǝrbǝ vuracaqdır. Bunu hǝr kǝs yaxşı başa düşmǝlidir.
Әmrullah İşlǝr, liviyalılardan viza istǝnmǝmǝsi barǝdǝki qǝrarın vǝ humanitar yardım fǝaliyyǝtlǝrinin davam edǝcǝyini, Türk Hava Yollarının Liviyada 2 ayrı şǝhǝrǝ sǝfǝr reallaşdırılmasına dair tǝlǝblǝrin dǝ tǝhlükǝsizlik şǝrtlǝrinǝ görǝ dǝyǝrlǝndirilǝcǝyini bildirib.