Qarabağdakı son əməliyyatdan sonra Qənimətlər Muzeyinə maraq artıb
Ermənistan ordusuna məxsus 2 min avtomobilin dövlət nömrə nişanlarından yaradılan və üzərində “Qarabağ Azərbaycandır” sözləri olan açıq səma altındakı muzeydə müharibənin necə qalib gəldiyini əks etdirən videoçarx da göstərilir
Azərbaycanın Qarabağdakı son əməliyyatlarından sonra 2021-ci ildə paytaxt Bakıda açılan Qənimətlər Muzeyinə maraq artıb.
2020-ci il noyabrın 10-da Qarabağda qazandığı qələbədən sonra müharibədə istifadə olunan texnikaları göstərmək və savaşın necə qalib gəldiyini izah etmək üçün Azərbaycan 12 aprel 2021-ci il tarixində Döyüş Qənimətləri Muzeyini açıb.
Sentyabrın 19-da Azərbaycan ordusunun Qarabağda keçirdiyi və 24 saat ərzində uğurla başa çatan antiterror əməliyyatından sonra açıq səma altında muzeyə maraq artıb. Xüsusilə gənclər və tələbələr muzeyə baş çəkir və müharibə haqqında qazilərdən dinləyirlər.
Ermənistan ordusuna məxsus 2 min avtomobilin dövlət nömrə nişanlarından yaradılan və üzərində “Qarabağ Azərbaycandır” sözləri olan açıq səma altındakı muzeydə müharibənin necə qalib gəldiyini əks etdirən videoçarx da göstərilir.
Paytaxt Bakıda 5 hektar ərazidə yaradılan Döyüş Qənimətləri Muzeyində Qarabağ müharibəsi zamanı Azərbaycanın Ermənistan ordusundan əsir götürdüyü 300-dən çox silah-sursat, o cümlədən 150-yə yaxın ağır silahlı və zirehli texnika nümayiş etdirilir.
Ermənistan ordusunun Azərbaycan Silahlı Qüvvələrinə qarşı istifadə etdiyi “İsgəndər-M” raketinin qalıqları, T-72 tanklarından BMP zirehli maşınlarına, “Zastava M-55” zenit-topundan “Toçka-U” və “Smerç” raketlərinə qədər bir çox texniki vəsait göstərilir.
