Türk dövlətlərinin mədəniyyət paytaxtının simvolu Bursadan Şuşaya ötürülüb

Türk dünyasının mədəniyyət paytaxtı simvolu Bursadan Azərbaycanın Şuşa şəhərinə ötürülüb. Mərasim Türkiyenin Bursa şəhərində  keçirilib.
Mərasimdə Şuşaya xas mahnılar səsləndirilib.
Tədbirdə tanınmış modelyer Gülnarə Xəlilova moda nümayişi təşkil edib. Podiuma çıxan modellər Şuşanın yerli geyimlərini nümayiş etdiriblər. Merinos Atatürk Mədəniyyət və Konqres Mərkəzində keçirilən tədbirdə çox sayda qonaq iştirak edib.
Proqramın sonunda Bursa Böyükşəhər Bələdiyyəsinin sədri Alinur Aktaş Türk Dünyasının Mədəniyyət Paytaxtı simvolunu Azərbaycan Prezidentinin Şuşadakı xüsusi nümayəndəsi Aydın Kərimova təqdim edib.