Azərbaycanda daha 257 nəfər koronavirusa yoluxub

TRT-nin Bakı təmsilçiliyinin verdiyi məlumata görə, Azərbaycanda 257 yeni koronavirus infeksiyasına yoluxma faktı qeydə alınıb, 3 nəfər həyatını itirib.

Hazırkı dövrədək Azərbaycanda 5246 nəfərin koronavirus infeksiyasına yoluxması faktı qeydə alınıb, onlardan 3327 nəfər müalicə olunaraq sağalıb, 61 nəfər vəfat edib, 1858 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 58 nəfərin vəziyyəti ağırdır.

Ötən müddət ərzində yeni yoluxma hallarının müəyyənləşdirilməsi ilə əlaqədar 294 264 test aparılıb.